Parlament kanıkýlǵa ketti
ASTANA. 28 maýsym. QazAqparat - Búgin QR Parlamenti palatalarynyń birlesken otyrysy ótip, onda besinshi saılanǵan Parlamenttiń ekinshi sessııasy resmı túrde jabyldy.
Soǵan oraı, depýtattar aǵymdaǵy jyldyń 29 maýsymynan 1 qyrkúıegine deıin parlamenttik kanıkýl dep jarııalanatyny týraly arnaıy qaýly qabyldady.
Toqtala keteıik, ekinshi sessııa barysynda Parlamentpen 96 zań qabyldanyp, qujattardyń basym bóligine Memleket basshysynyń qoly qoıylyp, kúshine endi. Parlament qabyldaǵan zańnamalardyń negizgi kópshiligi Elbasynyń Qazaqstan halqyna Joldaýlarynda, «Jalpyǵa Ortaq Eńbek Qoǵamyna qaraı jıyrma qadam» atty baǵdarlamalyq maqalasynda júktelgen mindetterdi zańnamalyq qoldaýǵa baǵyttaldy. Ekonomıkalyq ıntegratsııany qarqyndy etýge, memlekettermen ózara baılanysty nyǵaıtýǵa, halyqaralyq quqyqtyq keńistikke kirigýge baǵyttalǵan birqatar 46 halyqaralyq kelisim ratıfıkatsııadan ótti. Bulardyń barlyǵy tutastaı memlekettiń bedelin arttyrýǵa, halqymyzdyń ómir súrý sapasyn kóterýge, el ekonomıkasynyń damý áleýetin údetýge baǵyttaldy.
Jıyndy jaba otyryp, birlesken otyrysta negizgi baıandama jasaǵan Májilis Tóraǵasy Nurlan Nyǵmatýlın besinshi saılanǵan Parlamenttiń ekinshi sessııasyn tabysty ótti dep málimdedi.
