Parlament qabyldaǵan zań Elbasynyń ókilettigin uzartý jónindegi referendým ótkizý úshin naqty Konstıtýtsııalyq negiz bolyp tabylady - O. Muhamedjanov
ANA. 14 qańtar. QazAqparat /Qanat Mámetqazyuly/ - Parlament qabyldaǵan zań Elbasynyń ókilettigin uzartý jónindegi referendým ótkizý úshin naqty Konstıtýtsııalyq negiz bolyp tabylady.
Búgin QR Parlamenti palatalarynyń birlesken otyrysy barysynda «Qazaqstan Respýblıkasynyń Konstıtýtsııasyna ózgeris pen tolyqtyrý engizý týraly» QR Zańy qabyldanǵannan keıin Májilis tóraǵasy Oral Muhamedjanov osylaı málimdedi.
«Biz shyn máninde tarıhı zań qabyldadyq. Bul búgingi Elbasy N. Nazarbaevtyń ókilettigin uzartý jónindegi respýblıkalyq referendým ótkizý úshin naqty Konstıtýtsııalyq negiz bolyp tabylmaq. Osylaısha, respýblıkalyq referendýmdy ótkizýdi qoldaǵan 5 mln. astam qazaqstandyqtardyń erek-jigerin iske asyrý úshin barlyq múmkindikter qamtamasyz etiletin bolady»,- degen O. Muhamedjanov, ıgi iske arqaý bolǵan barsha qazaqstandyqtarǵa alǵysyn jetkizdi.
