Parlament Іshki ister mınıstrligine qarasty Іshki áskerler máselesine arnalǵan zańdy qabyldady
ASTANA. 20 jeltoqsan. QazAqparat - Búgin QR Parlament Cenatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Іshki ister mınıstrliginiń Іshki áskerleri máseleleri boıynsha ózgerister men tolyqtyrýlar engizý týraly» Zańdy qabyldady.
Atalǵan qujat Memleket basshysynyń tapsyrmasyna saı ázirlengen. Zań jobasynda Іshki áskerlerdiń áskerı-ákimshilik júıesin jetildirý jáne qoldanystaǵy brıgadalyq júıeden óńirlik qolbasshylyqqa aýysýy kózdeledi. Osy maqsatta zań jobasymen áskerı basqarýdyń jedel-aýmaqtyq organy retinde óńirlik qolbasshylyqtyń mártebesi jáne onyń qolbasshysynyń ókilettilikteri aıqyndalady. Іshki áskerler komıteti áskerı basqarýdyń jedel-strategııalyq organy retinde Іshki áskerlerdiń Bas qolbasshylyǵy bolyp qaıta qurylady.
Zań jobasy arqyly «Qazaqstan Respýblıkasy Іshki ister mınıstrliginiń Іshki áskerleri týraly» jáne «Qazaqstan Respýblıkasynyń ishki ister organdary týraly» zańdarǵa ózgerister men tolyqtyrýlar engiziledi.
Parlament qabyldaǵan zań Memleket basshysynyń qol qoıýyna joldanady.
