Parlament: halyq qalaýlylary ekinshi sessııada memlekettik shekara týraly zańdy jańa redaktsııada qabyldamaq

 Bul týraly búgin QR Parlamenti bes shaqyrylymynyń birinshi sessııasynyń jabylýynda baıandama jasaǵan Májilis tóraǵasy Nurlan Nyǵmatýlın aıtty.

Birinshi sessııanyń jumysyn aıaqtaı otyryp, aldaǵy sessııanyń zań shyǵarý qyzmetine jaqsy negiz qalanǵandyǵyn basa aıtqan ol: «Árıne, jumys qarqynyn tómendetpeý mańyzdy. Qazirgi ýaqytta Parlament qorjynynda taǵyda 28 zań jobasy bar»,-dedi.

Tórǵanyń atap ótýinshe, taıaý aralyqta Parlament depýtattarynyń qaraýyna 2013-2015 jyldarǵa arnalǵan respýblıkalyq bıýdjet týraly, QR Ulttyq qorynan kepildendirilgen transfertterdi bólý týraly, kepildendirilgen memlekettik zańgerlik kómek týraly jáne basqa da zań jobalary kelip túsedi dep kútilýde.

«Bizden memlekettik shekara týraly jáne Qazaqstan Respýblıkasynyń ishki ister organdary týraly zańdardy jańa redaktsııada sapaly qarap, qabyldaýdy kútip otyr»,-dedi N. Nyǵmatýlın.