Parlament ekologııaǵa qatysty qujatty Prezıdenttiń qol qoıýyna joldady
ASTANA. KAZINFORM – Májilis «Qazaqstan Respýblıkasynyń keıbir zańnamalyq aktilerine ekologııa jáne ekonomıkanyń jekelegen salalaryn jetildirý máseleleri boıynsha ózgerister men tolyqtyrýlar engizý týraly» Zańǵa Senat jańa redaktsııada usynǵan bappen kelisti.
Zańda ekologııalyq salany tsıfrlandyrý, qaldyqtardy basqarý jáne qaıtalama resýrstardy qaıta óńdeý júıesin jetildirý, klımattyq retteý tetikteri men kómirtegi ofsetin damytý, Ulttyq gıdrometeorologııalyq qyzmettiń jumysyn jetildirý, sondaı-aq ekologııalyq retteý men baqylaýdyń tıimdiligin arttyrý jónindegi sharalar eskerilgen. Zańmen memlekettik ekologııalyq saraptama men qoǵamdyq tyńdaýlar ótkizýge qatysty jekelegen erejeler naqtylanady. Qujatta kıik derıvattaryn satý júıesiniń operatoryn anyqtaý jáne olardy iske asyrý tártibin retteý qarastyrylǵan.
- Osy jylǵy 25 maýsymda Parlament Senaty Májilis qabyldaǵan «Qazaqstan Respýblıkasynyń keıbir zańnamalyq aktilerine ekologııa jáne ekonomıkanyń jekelegen salalaryn jetildirý máseleleri boıynsha ózgerister men tolyqtyrýlar engizý týraly» zańynyń jeke babyn jańa redaktsııada usyndy. Bul túzetý elimiz ratıfıkatsııalaǵan Parıj kelisiminiń 6-babyn iske asyrýǵa baǵyttalǵan. Atalǵan túzetýdiń qabyldanýy elimizge ınvestıtsııalar men zamanýı tehnologııalardy tartýǵa, jańa jumys oryndaryn qurýǵa, ekonomıkany dekarbonızatsııalaýǵa jáne ekologııalyq ahýaldy jaqsartýǵa yqpal etedi. Búgin Parlament Májilisiniń tarıhı qorytyndy jalpy otyrysynda qabyldanatyn sońǵy zańdardyń biri retinde osy qujatty barshańyz tolyq qoldap, ony Memleket basshysynyń qol qoıýyna jiberýdi usynamyn, - dedi depýtat Edil Jańbyrshın Májilistiń jalpy otyrysynda.
Palata depýattary bul usynysqa qoldaý bildirip, Senat engizgen túzetýmen kelisti.
Aıta keteıik, osy aptada Senat «Qazaqstan Respýblıkasynyń keıbir zańnamalyq aktilerine ekologııa jáne ekonomıkanyń jekelegen salalaryn jetildirý máseleleri boıynsha ózgerister men tolyqtyrýlar engizý týraly» Zańyn ekinshi oqylymda qarady. Senatorlar qujattaǵy bir bapty jańa redaktsııada usynyp, ony Májiliske qaıtardy.
