Parlament derbes bilim berý uıymdarynyń qyzmetin retteıtin zańdy qabyldady
ASTANA. QazAqparat - Parlament Senaty búgingi jalpy otyrysta «Qazaqstan Respýblıkasynyń keıbir zańnamalyq aktilerine derbes bilim berý uıymdarynyń qyzmetin retteý máseleleri boıynsha ózgerister men tolyqtyrýlar engizý týraly» zań jobasy eki oqylym boıynsha qaralyp, qabyldandy. Endi qujat Memleket basshysynyń qol qoıýyna joldanady.
Qujat boıynsha derbes bilim berý uıymdary negizinen ilki jobalar, eksperımenttik alańdar bolyp tabylady. Atalǵan jobalardy iske asyrý barysynda jınaqtalǵan tájirıbe bilim berý júıesin damytýdyń aldaǵy kezeńderinde paıdalanylmaq. Osyǵan baılanysty, zań jobasynyń erejeleri derbes uıymdardyń qyzmetin retteýge ǵana emes, orta jáne joǵary bilim berý júıesin odan ári jetildirýge de baǵyttalyp otyr.
«Qujat derbes bilim berý uıymdarynyń akademııalyq basqarý júıesin jetildirýge jáne sapasyn qamtamasyz etýge baǵyttalǵan. 2011 jyly Nazarbaev ýnıversıteti, Nazarbaev zııatkerlik mektepteri jáne Nazarbaev qorynyń mártebesi týraly zańmen derbes bilim berý uıymdarynyń negizgi jumys isteý qaǵıdattary, onyń ishinde akademııalyq erkindik jáne derbes bilim berý qaǵıdattary aıqyndaldy. Osy zańdy iske asyrý tájirıbesi derbes bilim berý uıymdarynyń damýyna oń áser tıgizdi. Alaıda, derbes bilim berý uıymdary óz qyzmet protsesinde zańnamalyq deńgeıde qajet etetin birqatar máselelerge tap boldy. Osyǵan oraı, zań jobasyndaǵy túzetýler bilim berý uıymdarynyń damýyndaǵy keleli qadam bolyp tabylady», - dedi Bilim jáne ǵylym mınıstri Aslan Sárinjipov. Zań jobasy boıynsha Qazaqstan Respýblıkasynyń Eńbek kodeksine, bıýdjet kodeksine, salyqtar jáne bıýdjetke tólenetin basqa da mindetti tólemder týraly, «QR Bilim týraly», «Nazarbaev Ýnıversıteti» , «Nazarbaev zııatkerlik mektepteri jáne «Nazarbaev qory» mártebesi týraly», «Memlekettik múlik týraly» zańdarǵa ózgerister men tolyqtyrýlar engizedi.
Onda nysanaly salymdar bólýdiń múmkin bolmaýy, bilim berý protsesin grantpen jáne stıpendııamen qamtamasyz etý máselelerin retteýdegi olqylyqtar, jer zańnamasynyń zııatkerlik-ınnovatsııalyq klasterdi damytý úshin derbes bilim uıymdarynyń jer ýchaskelerin satyp alýyna memlekettik bıýdjetten edáýir qarajat bólýge májbúrleıtin erejeleri, salyq salý máseleleri qarastyrylyp otyr.
Tutastaı alǵanda, zań jobasy derbes bilim berý uıymdarynyń akademııalyq basqarý júıesin jetildirýdi jáne sapasyn qamtamasyz etýdi qarastyratyn bolady. Ýnıversıtettiń ınnovatsııalyq klasteri qyzmetin uıymdastyrý, ınnovatsııalyq bilim berý baǵdarlamalary men ǵylymı jobalardy iske asyrý úshin qajetti bilim berý uıymdarynyń akademııalyq erkindigi men derbestigin damytýdy kózdeıdi.
