Parlament depýtaty qutqarýshylardyń zeınetke shyǵý jasyn qysqartýdy usyndy

ASTANA. QazAqparat - Senator Sergeı Ershov QR Premer-Mınıstri Álıhan Smaıylovtyń atyna joldaǵan depýtattyq saýalynda Tótenshe jaǵdaılar mınıstrliginiń jedel-qutqarý jasaqtarynyń qyzmetine qatysty birqatar mańyzdy máseleni aıtty. Olardyń ishinde tómen jalaqy, zeınetkerlik jas, turǵyn úı tólemderi týraly derekter bar, dep habarlaıdy QazAqparat tilshisi.

«Qutqarýshynyń laýazymdyq jalaqysy bıyldyń 1 qańtarynan bastap 23 paıyzǵa óskenin esepke alǵanda, 105 208 teńgeni quraıdy. Bizdiń oıymyzsha, mundaı qaýipti kásip qyzmetkeri úshin bul jetkiliksiz. Óıtkeni, bul mamandar kún saıyn qutqarý jumystaryn atqarady jáne óz ómiri men densaýlyǵyna qaýip tóndiredi», - dep S. Ershov Senattyń jalpy otyrysynda.

Senator qutqarýshylardyń zeınetke 63 jasynda shyǵýyn da durys emes dep sanaıdy. Sebebi olar jumys isteıtin jaǵdaılar óte qaýipti bolady. Depýtat qutqarýshylarǵa eńbek zeınetaqysyn merziminen buryn berýdi kózdeıtin keıbir elderdi mysalǵa keltirdi.

«Qutqarýshylarǵa mártebesin arttyrý maqsatynda quqyq qorǵaý, arnaýly memlekettik organdardyń qyzmetkerleri men Qarýly Kúshterdiń áskerı qyzmetshileri deńgeıinde turǵyn úı tólemderiniń tásilderi men tetikterin berý qajet dep sanaımyz», - dedi depýtat.