Parlament depýtaty eńbek ardagerimen kezdesti
NUR-SULTAN. QazAqparat - QR Parlamenti Májilisiniń depýtaty, «Nur-Otan» fraktsııasynyń múshesi Nurjan Áshimbetov Nur-Sultan qalasynda turatyn eńbek ardageri Ábdikárim Qadyrovpen júzdesti, dep habarlaıdy QazAqparat.
Qalalyq ardagerler keńesiniń, Qalalyq qoǵamdyq keńes, Pavlodar oblystyq týberkýlezge qarsy dıspanseri eńbek ujymynyń qoldaýhattary boıynsha Pavlodar qalasynyń máslıhaty Ábdikárim Qadyrulyna «Pavlodar qalasynyń Qurmetti azamaty»ataǵyn bergen.
1956 jyly Almaty memlekettik medıtsınalyq ınstıtýtyn bitirgennen bastap, Ábdikárim aǵa Pavlodar oblysynyń densaýlyq saqtaý salasynda 54 jyl eńbek ketti. Aqtoǵaı aýdanynyń Qurmetti azamaty, Eńbek Qyzyl Tý ordeniniń kavaleri, KSRO densaýlyq saqtaý salasynyń úzdigi bolyp tabylady, keńestik, respýblıkalyq jáne jergilikti bılik organdarynyń medaldarymen, maqtaý jáne alǵys hattarymen marapattalǵan.
Qaı qyzmette bolmasyn Á. Qadyrov ózin joǵary bilikti maman, jaqsy uıymdastyrýshy, óz eliniń naǵyz patrıoty retinde kórsete bildi. Birneshe jas dárigerler býynynyń tálimgeri bolyp tabylady.
Zaıyby Rústemova Kýlzııamen shynaıy otbasylyq qundylyqtar jáne qazaq halyq pedagogıkasyn tereń qurmetteý negizinde olar 4 bala, 8 nemere tárbıelegen, al qazirgi ýaqytta 19 shóbereniń tárbıesine de atsalysýda.
Májilis depýtaty N.K. Áshimbetov Ábdikárim Qadyrovke Pavlodar qalasynyń Qurmetti azamaty tósbelgisi men kýáligin tapsyrdy.
