Parlament depýtattary: vetnamdyq áriptesterimiz koronavırýspen kúreste qoldaý kórsetti

NUR-SULTAN. QazAqparat - QR Parlamenti Senaty men Májilisi basshylyǵynyń kelisimi boıynsha Vetnam Sotsıalıstik Respýblıkasy Ulttyq jınalysy (Vetnam Parlamenti) elimizde koronavırýstyń taralýyna qarsy gýmanıtarlyq kómek uıymdastyrdy, dep habarlaıdy QazAqparat Májilistiń baspasóz qyzmetine silteme jasap.

Vetnamdyq parlamentshiler gýmanıtarlyq kómek retinde jibergen jeke qorǵanys quraldary Atyraý oblysyndaǵy medıtsınalyq mekemelerge tapsyryldy. Aımaqtaǵy medıtsınalyq uıymdarǵa ýaqtyly jetkizý jáne taratýdy Májilis pen Senat depýtattary baqylaýyna aldy.

Qazirgi ýaqytta Májilis depýtattary elimizde koronavırýstyq ınfektsııamen kúresý boıynsha keshendi jumystarǵa belsendi aralasýda.