Parlament depýtattary senbilikke qatysty
ASTANA. QazAqparat - Búgin el Parlamentiniń qos palatasynyń depýtattary jalpyqalalyq senbilikke qatysyp, Astanany abattandyrýǵa súbeli úlesterin qosty.
Tarqatyp aıtsaq, QR Parlament Senatynyń Tóraǵasy Qasym-Jomart Toqaev bastaǵan joǵary palata músheleri judyryqtaı jumylyp, elordanyń sol jaǵalaýyna aǵash ekti. Senatorlar shyrsha, qaıyń, qaraǵaı syndy uzyn-sany 200-den astam aǵash otyrǵyzyp, elordanyń kógaldandyrý bastamasyna septigin tıgizdi.
Sondaı-aq búgingi tazalyq aktsııasyna «Astanany gúldendiremiz!» degen uranmen kóppartııaly Májilis depýtattary da qatysty. Bul joly májilismender Qazaq memlekettiniń negizin qalaǵan Jánibek pen Kereı handardyń atyndaǵy kósheni abattandyryp, kógaldandyrýǵa atsalysty.
Tómengi palata depýtattary eki júzdiń ústinde qaıyń men shyrsha kóshetin otyrǵyzyp, elorda kóshelerin jańa bir alleıamen tolyqtyrdy.
Aıta keterligi, halyq qalaýlylary otyrǵyzǵan kóshetter Elbasynyń bastamasymen qurylǵan Astananyń aınalasynda ósip jatqan jasyl beldeýden ákelindi.
