Parlament depýtattary memleket aldyna qoıylǵan mindetterdiń oryndalýyn jiti baqylaǵandary durys - Prezıdent

ASTANA. 15 sáýir. QazAqparat /Aıdar Ospanalıev/ - «Qazaqstan Soltústik Afrıkada jáne tóńiregimizde bolyp jatqan jaǵdaılardan úlken sabaq alyp, bolashaqta qalaı áreket etetindigimiz belgili bolýy tıis. Al áleýmettik salany jańǵyrtýda qyrýar sharalar atqarýymyz kerek»,- dedi búgin QR Parlamenti Senatynyń jalpy otyrysnda birqatar joǵary qyzmetterge kandıdattardy taǵaıyndaýdan keıin sóılegen sózinde Memleket basshysy Nursultan Nazarbaev.

Prezıdent sózinde elimizdegi ındýstrııalyq baǵdarlamaǵa d, áleýmettik baǵdarlamaǵa da tıisti qarajat bólingendigin aıtty. «Aldyǵa qoıǵan mindetterdi júzege asyratyn bilikti azamattar bar. Parlament depýtattary istiń júzege asyrylý barysyn baqylaýǵa alǵandary durys. Biz ózimiz qabyldaǵan qujattardyń árbir bóligin júzege asyrýǵa kúsh salýymyz qajet. Halyqtyń bizge degen senimi zor. Ony biz saılaýda daýys berýge kelip, uzyn-sonar kezekte turǵan halyqtan kórdik. Bizdegi saılaýdy kórip, dúnıe júzinen kelgen baıqaýshylardyń barlyǵy tań qalyp ketti. Osynyń barlyǵy da bizdiń saıasatymyzdyń durystyǵy jáne ony halyqtyń qoldaıtyndy. Bul barlyǵymyzdyń jeńisimiz»,-dedi Elbasy.

Sondaı-aq Memleket basshysy sózinde halyq bılikke tek senim artyp qana qoımaı, oǵan úlken jaýapkershilik júktep otyr. «Bul qıyn da kúrdeli, ári mártebeli mindet. Sony oryndaý úshin men osy apta ishinde barlyq laýazym ıelerin taǵaıyndadym. Olardyń ishinde jańa taǵaıyndalǵandary da, burynǵy laýazymyna qaıta taǵaıyndalǵandary da bar. Biraq úkimettiń deni qaldy. Oǵan sebep: qolynan is keletin, eńbektenip júrgen, bizge tabys ákelip júrgen azamattardy aýystyrýdyń eshqandaı da qajeti joq. Qazirgi úkimet osyǵan deıingi berilgen tapsyrmany aıaqtady. Biz bir jaǵynan jas mamandardy da alyp kelip jatyrmyz. Ekinshi jaǵynan tájirıbeli azamattar burynǵy oryndarynda qalyp jatyr. Sondyqtan aldyǵa qoıǵan mindetterdi oryndaımyz degen oıdamyn»,-dedi Elbasy.