Parlament depýtattary Qazaqstannyń shalǵaıdaǵy aýyldaryn aralaıdy
«Búgin depýtattyq korpýs saılaýshylarmen kezdesý úshin aımaqtarǵa shyǵatyn bolady. Bizdiń eń negizgi maqsatymyz - Prezıdenttiń bes áleýmettik bastamasyn jáne onyń erekshe múmkindikterin árbir azamatqa, ár otbasyna jetkizý. Sonymen birge, zań jaǵynan qamtamasyz etý jumystarymyzdy jan-jaqty túsindirý áske asyrylady», - dedi Nurlan Nyǵmatýlın Májilistiń jalpy otyrysynda.
Belgili bolǵandaı, 6 sáýirge deıingi aralyqta depýtattar óńirlerde bolady.
Májilis tóraǵasynyń sózine qaraǵanda, halyq qalaýlylary kezdesýlerdi oblys ortalyqtary men iri qalalardan bólek, shalǵaıdaǵy aýyldarda, eldi mekenderde de ótkizedi.
«Óńirlerden oralǵannan keıin, biz áleýmettik bastamalardy júzege asyrýǵa baǵyttalǵan zań jobalarymen jumysty bastaımyz. Osy oraıda atqarylatyn sharalar aýqymdy bolady», -dedi ol.
