Parlament depýtattary Elbasy Nursultan Nazarbaevtyń ókilettigin uzartýǵa qatysty bastamaǵa qoldaý bildirdi
ASTANA. 27 jeltoqsan. QazAqparat - Búgin Qazaqstan Parlamentinde qos Palata Tóraǵasynyń qatysýymen Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń ókilettigin respýblıkalyq referendým arqyly uzartý jónindegi qoǵam ókilderiniń usynysyn qoldaǵan depýtattardyń bastamashyl toby quryldy.
Májilis pen Senat depýtattary ózderiniń úndeýinde Prezıdenttiń ókilettigin 2020 jylǵa deıin uzartý jónindegi respýblıkalyq referendým ótkizý týraly usynystyń: ..."táýelsiz memlekettiń negizin qalaýshy retinde Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaevtyń tarıhı róli men mıssııasyn uǵyna otyryp jasalǵanyn" atap ótti.
