Parlament depýtattary daýys berdi

NUR- SULTAN. QazAqparat - QR Parlament Senatynyń depýtattary Álı Bektaev, Birǵanym Áıtimova jáne Májilis depýtaty Qýanysh Sultanov №113 saılaý ýchaskesinen daýys berdi, dep habarlaıdy QazAqparat tilshisi.

Depýtattar óz tańdaýyn №66 mektepte ornalasqan №113 saılaý ýchaskesinde jasady. Dál osy ýchaskede tańerteń úmitker Jambyl Ahmetbekov te daýys bergen bolatyn.

«Búgingi kúnniń ózi tamasha bastaldy. Álı men Gennadııdiń tamasha jeńisine kýá boldyq. Saılaýǵa erekshe kóńil-kúıen kelip turmyn. Kórip turǵandaryńyzdaı, daýys berýshi halyqtyń qarasy mol. Bul bizdiń saıası mádenıetimizdiń ósip kele jatqanyn kórsetedi», - dedi Qýanysh Sultanov daýys bergennen keıin.

Birǵanym Áıtimova da Gennadıı Golovkınniń jekpe-jegin kórý úshin saılaý ýchaskesine «sál keshigip kelgenin» aıtty.

Eske sala keteıik, búgin Qazaqstan Prezıdentin kezekten tys saılaý bastaldy. QR Prezıdentiniń kezekten tys saılaýynda el ishinde jáne shet elderde 9 968 daýys berý ýchaskesi jumys isteıdi. Saılaý týraly Konstıtýtsııalyq zańǵa sáıkes, daýys berý ýaqyty standartty (saǵat 7.00-20.00 aralyǵy) bolady.