Parlament depýtattary Shyǵys Qazaqstan jurtshylyǵymen ekologııa máselesin talqylady
Senat Tóraǵasy Máýlen Áshimbaev Óskemen qalasynda Ornyqty damý salasyndaǵy ulttyq maqsattar men mindetterdiń iske asyrylýyna monıtorıng júrgizý jónindegi parlamenttik komıssııanyń úshinshi otyrysyn ótkizdi, dep habarlaıdy Kazinform Senattyń baspasóz qyzmetine silteme jasap.
Іs-sharaǵa qatysýshylar óńirde aýanyń lastanýyna baılanysty problemalardy jáne ekologııalyq qaýipsizdikti qamtamasyz etý máselelerin talqylady. Sondaı-aq palata Tóraǵasy bastaǵan bir top senator Shyǵys Qazaqstan oblysy máslıhatynyń depýtattarymen jáne óńir jurtshylyǵymen kezdesti. Onda Memleket basshysynyń tapsyrmalaryn iske asyrý aıasynda Senat pen máslıhattardyń ózara jumysyn júıeli túrde júrgizý barysy sóz boldy.
Parlamenttik komıssııanyń Tóraǵasy Máýlen Áshimbaev qaralǵan máseleniń mańyzdylyǵyna nazar aýdaryp, ekologııalyq qaýipsizdikti qamtamasyz etý Ornyqty damý maqsattaryndaǵy 17 basymdyqtyń birnesheýine tikeleı qatysty ekenin atap ótti. Búginde elimizde atmosferaǵa shyǵarylatyn zııandy zattardy azaıtý jáne zamanaýı ekologııalyq tehnologııalarǵa kóshý baǵytynda birqatar shara qolǵa alyndy. Bul baǵytta qoldanystaǵy zańnama da bar. Soǵan qaramastan aýanyń lastanýy boıynsha ODM salasyndaǵy reıtıngte Qazaqstan tómen deńgeıde qalyp otyr.
«Parlamenttik komıssııa Prezıdentimiz Qasym-Jomart Toqaevtyń tapsyrmasymen qurylǵan. Onyń negizgi maqsaty – elimizde Ornyqty damý maqsattarynyń iske asyrylýyna járdemdesý jáne osy baǵyttaǵy jumystarǵa monıtorıng júrgizip, usynystar men tyń bastamalar ázirleý. Osy rette komıssııanyń úshinshi otyrysyn aýanyń lastanýy jáne ekologııalyq qaýipsizdik taqyrybyna arnap otyrmyz. Bul másele Shyǵys Qazaqstan oblysy úshin óte ózekti ekenin bilemiz. Sondyqtan jergilikti azamattarmen, sarapshylarmen jáne kásibı mamandarmenatalǵan túıtkildi talqylaý úshin Shyǵys Qazaqstanoblysynda Komıssııanyń kóshpeli otyrysyn ótkizýdi uıǵardyq», – dedi Senat Tóraǵasy.
Sondaı-aq Máýlen Áshimbaev qoldanystaǵy normatıvtik júıeniń eskirgenin, sondyqtan ol elimizde aýanyń sapasyn dál anyqtaýǵa tolyq múmkindik bermeıtinin tilge tıek etti. Osyǵan baılanysty standarttar júıesin reformalaý jáne ulttyq zańnamaǵa ózgerister engizý qajettiligi týyndap otyr. Odan bólek, komıssııa Tóraǵasy ornyqty damý maqsattary aıasyndaǵy jumystarda úılesimniń joqtyǵyn jáne problemalardy sheshýde halyqaralyq tájirıbeni qoldanýdyń mańyzdy ekenin aıtty.
Komıssııa otyrysynda Ekologııa jáne tabıǵı resýrstar mınıstri Erlan Nysanbaev, Shyǵys Qazaqstan oblysynyń ákimi Ermek Kósherbaev, Densaýlyq saqtaý vıtse-mınıstri – elimizdiń Bas memlekettik sanıtarlyq dárigeri Aıjan Esmaǵambetova, Senat depýtaty, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Álı Bektaev, Qazaqstandaǵy Birikken Ulttar Uıymy Damý baǵdarlamasynyń turaqty ókili Katarjına Vavernııa, Parlament Májilisiniń birqatar depýtaty jáne taǵy basqa qatysýshylar sóz sóılep, ornyqty damý saıasatyn tıimdi iske asyrý jolyndaǵy zańnamalyq bastamalaryn usyndy.
Sonymen qatar senatorlar oblysqa sapar barysynda máslıhat depýtattarymen jáne óńirdiń jurtshylyǵymen kezdesti. palata Tóraǵasy jergilikti turǵyndarmen aımaqty damytý tetikteri men perspektıvalaryn talqylady. Ol óz sózinde el Prezıdentiniń oblysty qaıta qurý jónindegi tarıhı sheshimine toqtalyp, mundaı qadam óńirdiń ósip-órkendeýine tyń serpin bergenin atap ótti.
Kezdesýler kezinde Memleket basshysy belgilep bergen jańa ekonomıkalyq úlgige kóshýdiń negizgi mindetterin iske asyrý, sondaı-aq, zań shyǵarý qyzmetinde Senat pen óńirlerdiń ózara tıimdi is-qımylyn qalyptastyrý máselelerine basa mán berildi.
«Memleket basshysy bıylǵy Joldaýynda ekonomıkalyq saıasattyń jańa úlgisine kóshýdiń naqty tetikterin belgilep berdi. Usynylǵan barlyq shara ekonomıkadaǵy qurylymdyq ózgeristerge jáne azamattardyń ómir súrý sapasyn naqty jaqsartýǵa arnalǵan. Osyǵan baılanysty jańa zamanaýı ınnovatsııalyq tehnologııa negizinde óńdeý ónerkásibin jáne agrarlyq sektordy damytýǵa baǵyttalǵan keshendi sharalar júzege asyrylady. Mundaı aýqymdy jumysty atqarý kezinde máslıhat depýtattarynyń tájirıbesi men pikirleri erekshe mańyzǵa ıe», – degen Máýlen Áshimbaev Senat janyndaǵy Jergilikti ókildi organdarmen ózara is-qımyl jasaý jónindegi keńestiń jáne «Óńir» depýtattyq tobynyń jumystaryna toqtaldy. Ol atalǵan alańdardyń qyzmeti óńirlerdegi problemalardy birlesip sheshýge yqpal etýdi kózdeıtinin aıtty.
Senatorlar «Qaztsınk» kompanııasynyń jáne Óskemen qalasyndaǵy jylý elektr ortalyǵynyń ujymdarymen de kezdesti. Depýtattar atalǵan nysandardyń jumys barysymen jáne qyzmetkerleriniń eńbek jaǵdaıymen tanysty. Kezdesýde óndirýshi sektor kásiporyndaryn tehnologııalyq jáne ekologııalyq turǵyda jańǵyrtý, ulttyq bıznestiń múddesin qorǵaý, sý resýrstaryn utymdy paıdalaný jáne basqa da ózekti máseleler talqylandy.
Budan basqa, Parlament delegatsııasy Óskemen arnaýly áleýmettik qyzmet kórsetý ortalyǵyna baryp, mekemeniń jaı-kúıine nazar aýdardy.
