Parlament bıznes júrgizýge qatysty zańnamalyq túzetýlerdi qaraıdy
«Qazirgi ýaqytta jekelegen salalyq zańdarda qadaǵalaý aıasynda jedel den qoıý is-sharalaryn qoldaný sharttary men tártibi belgilenbegen. Osylaısha, memlekettik organdardyń jedel den qoıý is-sharalaryn qoldaný jónindegi óz erejelerin zańǵa táýeldi akt deńgeıinde belgileýge jáne olardy paıdalanýǵa múmkindigi bar. «Taza paraqtan» reformasy aıasynda Kásipkerlik kodekstiń 136-babynda, eger Qazaqstan Respýblıkasynyń zańdarynda olardy qoldaný tártibi bolmasa, jedel den qoıý is-sharalaryn qoldanýǵa tyıym salynǵan», - dedi Májiliste zań jobasyn tanystyrǵan Ulttyq ekonomıka mınıstri Tımýr Jaqsylyqov.
Onyń atap ótýinshe, osylaısha zańǵa táýeldi akt deńgeıinde memlekettik baqylaý men qadaǵalaýdy júrgizý tártibin belgileýge tyıym salynady. Osyǵan baılanysty zań jobasymen usynylǵan zańdar deńgeıinde 10 salada jedel den qoıý is-sharalaryn qoldaný tetikteri aıqyndalady
«Qazirgi ýaqytta memlekettik baqylaý kásipkerlik qyzmettiń 90-nan astam salasynda júzege asyrylady. Bul rette baqylaý júrgizýdiń jalpy tártibi Kásipkerlik kodekste belgilengen. Sonymen qatar, óz ereksheligi boıynsha baqylaý jáne qadaǵalaý organy tarapynan jedel reaktsııany talap etetin birqatar sala bar. Bul salalarda baqylaý sýbektisin, olardy ótkizý ýaqytyn, sýbektiniń (obektiniń) ornalasqan jerin aldyn ala anyqtaý múmkin emes», - dedi vıtse-mınıstr.
