Parlament Baıqońyr qalasynyń mártebesi týraly hattamaǵa engizilgen ózgeristerdi qabyldady
ASTANA. Mamyrdyń 13-i. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «1995 jylǵy 23 jeltoqsandaǵy Qazaqstan Respýblıkasy men RF arasyndaǵy Baıqońyr qalasynyń mártebesi, ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zańdy qabyldady.
Qujat Memleket basshysynyń qol qoıýyna jiberiledi, dep habarlaıdy QazAqparat.
Qujattyń maqsaty shetel valıýtasymen jasalatyn aıyrbastaý operatsııalaryn uıymdastyrýǵa quqyǵy bar, Baıqońyr qalasynyń aýmaǵynda jumys isteıtin, bank operatsııalarynyń jekelegen túrlerin júzege asyratyn QR bankteri men zańdy tulǵalardyń qyzmetin memlekettik retteý bolyp tabylady.
Hattamaǵa engizilgen ózgeristerge sáıkes, shetel valıýtasymen jasalatyn aıyrbastaý operatsııalaryn uıymdastyrýǵa quqyǵy bar bankter men zańdy tulǵalardyń qyzmeti Qazaqstannyń zańnamasyna sáıkes retteledi. Bulardyń qyzmetin qadaǵalaýdy Qazaqstannyń ýákiletti organdary júzege asyrady.
Hattamaǵa 2009 jylǵy mamyrdyń 21-inde Astana qalasynda qol qoıylǵan.
