Parlament baǵaly metaldar jáne asyl tastar naryǵyna qatysty zańdy qabyldady
Kelisimge Eýrazııalyq ekonomıkalyq odaqqa qatysýshy elder arasynda 2019 jylǵy 22 qarashada Máskeý qalasynda qol qoıyldy.
Kelisimniń maqsaty – atalǵan salada múshe memleketterdiń básekelestik artyqshylyǵyn jasaý jáne tıimdi sharalar ázirleýge baǵyttalǵan saýda-ekonomıkalyq tetikter qalyptastyrý. Sondaı-aq, EAEO kedendik aýmaǵynda baǵaly metaldar men asyl tastardyń erkin aınalymyn qamtamasyz etý úshin jaǵdaı jasaý.
«Kelisim baǵaly metaldar, asyl tastar jáne olardan jasalǵan buıymdardyń ishki naryǵyna qatysty quqyqtyq negizder men talaptardy aıqyndaıtyn 18 baptan turady. Qujat EAEO-nyń zergerlik buıymdarynyń ishki naryǵyndaǵy saýdada múshe memleketterdiń synamalyq tańbalaryn ózara tanýdyń bolmaýyna baılanysty týyndaıtyn shekteýlerdi joıady. ıAǵnı, eger zergerlik buıym Qazaqstanda jasalsa jáne synalsa, ol buıymdy EAEO-ǵa qatysýshy elderde ótkizý barysynda qaıta synamalaý qajeti bolmaıdy», - dedi Indýstrııa jáne ınfraqurylymdyq damý vıtse-mınıstri Amanııaz Erjanov.
Onyń aıtýynsha, synamalyq tańbalardy ózara taný bastapqy sholý saparlarynan keıin (quramyna EAEO-nyń barlyq elderiniń ókilderi kiredi) qamtamasyz etiledi. Múshe memleketterdiń Kelisim erejelerin qanshalyqty oryndap jatqanyn anyqtaý úshin ondaı saparlar bes jylda bir ret ótkizilip turady. Sondaı-aq, kelisim óńdelmegen tabıǵı almastardy EAEO-ǵa múshe bir memleket aýmaǵynan ekinshisine tasymaldaýdy qarastyrady. Ol óńdelmegen tabıǵı almastardy sertıfıkattaýdyń halyqaralyq kestesi – Kımberlıı protsesi talaptaryna sáıkes iske asyrylady. Kımberlı protsesine qatysýshy árbir el almastyń birde-bir partııasy oǵan qatyspaıtyn tarapqa ımporttalmaıtynyna nemese eksporttalmaıtynyna kepildik beredi. Eýrazııalyq ekonomıkalyq odaqqa qatysýshy barlyq el - Kımberlıı protsesiniń múshesi.
«Tıisti normalar tolyq esep júrgizýge jáne sybaılas jemqorlyqqa qarsy is-qımyl jasaýǵa múmkindik beredi. Sondaı-aq kelisim elde óndiriletin altyndy satyp alýda qatysýshy memleketterdiń basym quqyǵyn moıyndaıdy. Jalpy alǵanda, kelisimge qol qoıý jáne ony qoldaný Eýrazııalyq ekonomıkalyq odaq elderimen birlesip, baǵaly metaldar jáne asyl tastar naryǵynda ózara senim qalyptastyrýǵa múmkindik beredi», - dedi A. Erjanov.