Parlament azyq-túlik taýarlarynyń óńirlik turaqtandyrý qorlaryn qalyptastyrýǵa arnalǵan zańdy qabyldady
ASTANA. 21 maýsym. QazAqparat - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine agroónerkásiptik keshendi damytý jáne qoldaý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldap, qujatty qabyldady.
Parlament qabyldaǵan zańnyń negizgi jańalyǵy azyq-túlik taýarlarynyń óńirlik turaqtandyrý qorlaryn qalyptastyrý jáne paıdalanýǵa baǵyttalǵan. Mundaı turaqtandyrý qorlaryn qurý qajettigi azyq-túlik taýarlarynyń negizgi túrlerine baǵanyń maýsymaralyq kezeńde aýytqýlarǵa ushyraıtyndyǵyna baılanysty bolyp tabylady.
Sondaı-aq, zańǵa sáıkes aýyl sharýashylyǵy taýar óndirýshileriniń baǵa men sapaǵa qaraı tańdaý jasaýy úshin qaı elden shyqqanyna qaramastan gerbıtsıtterdiń barlyq túrlerin sýbsıdııalaý usynylady. Sondaı-aq, ósimdikterdi qorǵaýdyń jańa ınnovatsııalyq-bıologııalyq tásilderin de sýbsıdııalaý qarastyrylady.
Jalpy alǵanda zań normasy alys shetelden aýyl sharýashylyǵyna arnalǵan tehnıkany ákelý kezinde týyndaıtyn problemalardy da sheshýge baǵyttalady.
Parlament qabyldaǵan zań Elbasynyń qol qoıýyna jiberiledi.
