Parlament «Astana» qarjy ortalyǵyna qatysty zań qabyldady
Zań jobasynyń maqsaty - sottardyń qyzmetin ári sot salasyndaǵy ákimshilendirýdi jetildirý, Memlekettik Eltańbany paıdalaný tártibin tolyqtyrý, sondaı-aq qarjy salasyndaǵy ınnovatsııalardy damytý úshin eldiń negizgi platformasy retinde «Astana» halyqaralyq qarjy ortalyǵynyń jyldam damýyn qamtamasyz etý jáne onyń ıýrısdıktsııasyn ınvestıtsııalar tartý úshin paıdalaný.
Májilis depýtaty Ekaterına Smyshlıaevanyń aıtýynsha, bul ózgerister Májilis maquldaǵan zań jobasynyń kontseptsııasyn ózgertpeıdi.
Osy oraıda ol atalǵan Konstıtýtsııalyq zańnyń jobasyna Senat engizgen ózgeristermen kelisýdi usyndy.
Óz kezeginde Májilis depýtattary Senat usynǵan túzetýlerdi qoldaý týraly sheshim qabyldady.
Eske sala keteıik, 26 jeltoqsanda Senat «Qazaqstan Respýblıkasynyń keıbir konstıtýtsııalyq zańdaryna ózgerister men tolyqtyrýlar engizý týraly» zań jobasyn qarady. Qujatqa túzetýler engizilgendikten, zań jobasy Májiliske qaıtaryldy.
Bul qujatqa sot júıesiniń jáne «Astana» halyqaralyq qarjy ortalyǵynyń qyzmetine baılanysty ózgertýler engizýdi usyndy.
Zań jobasyn talqylaý barysynda qujatqa AHQO organdarynyń ókilettikterine, «Qazaqstan Respýblıkasynyń sot júıesi men sýdıalarynyń mártebesi týraly» Konstıtýtsııalyq zańnyń jekelegen normalaryn qoldanysqa engizý merzimderine, sondaı-aq qoldanysqa engizý merzimderin tsıfrlyq aktıvter salasyndaǵy zań jobalarynyń normalarymen úndestirýge qatysy bar keıbir erejelerge qatysty ózgerister men tolyqtyrý engizý qajet ekeni aıtyldy.
Foto: aifc.kz
