Parlament asbesti paıdalaný kezindegi eńbekti qorǵaý týraly konventsııany qabyldady

ASTANA. 28 jeltoqsan. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palat depýtattary «Asbesti paıdalaný kezinde eńbekti qorǵaý týraly konventsııany (162 konventsııa) ratıfıkatsııalaý týraly» zańdy qabyldady.

Atalǵan konventsııa jumys úderisinde qyzmetkerlerge asbesttiń áseri bolatyn qyzmettiń barlyq túrlerin qamtıtyn bolady. Konventsııa baptary boıynsha ulttyq zańnamada nemese erejelerde asbestpen jumys isteý kezinde týyndaıtyn densaýlyqqa qaýipti áseri bar faktorlarǵa baılanysty aldyn alý, baqylaý jáne qyzmetkerlerdi qorǵaý úshin qabyldanýǵa tıisti sharalardy belgileý kózdeledi. Konventsııada asbestiń áseri bolatyn qyzmetti júzege asyrý kezinde qorǵaný jáne profılaktıkalyq sharalardy, sondaı-aq óndiristik ortany jáne qyzmetkerler densaýlyǵynyń jaı-kúıin qadaǵalaý tártibi qarastyrylady.

Asbest óndiriletin, quramynda asbest bar buıymdardy shyǵaratyn kásiporyndar onyń ydysy men buıymdaryn tıisinshe tańbalaýǵa jaýapty bolatyndyǵy da qamtylyp otyr. Al árbir jumys berýshi óziniń kásipornynda jumys isteıtin qyzmetkerlerine asbesttiń áseriniń aldyn alý, baqylaý jáne zııandy faktorlardan qorǵaný sharalaryn ázirlep, júzege asyrýǵa jaýapty bolady.

Zań Memleket basshysynyń qol qoıýyna jiberiledi.