Parlament arnaýly memlekettik organdar týraly zańdy qabyldady
ASTANA. 11 qańtar. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń arnaýly memlekettik organdary týraly» QR Zańyn qabyldady.
Atalǵan zań memlekettik qyzmettiń erekshe túri - arnaýly memlekettik organdardaǵy qyzmetterdi zańnamalyq retteýge baǵyttalady. Bul rette qujat arqyly Qazaqstan Respýblıkasy arnaýly memlekettik organdardyń mártebesi men negizgi mindetteri aıqyndalady, mundaı organdarǵa qyzmetke turýmen, ony ótkerýmen jáne toqtatýmen baılanysty qoǵamdyq qatynastardy retteıdi.
Sondaı-aq, zań arqyly arnaýly memlekettik organdar qyzmetkerleriniń quqyqtyq jaǵdaıy, materıaldyq qamtamasyz etilýi jáne áleýmettik qorǵalýy aıqyndalady.
Qujatty talqylaý barysynda Senat depýtattary oǵan birqatar ózgerister men tolyqtyrýlar engizgen bolatyn. Atap aıtqanda, arnaýly memlekettik organdar qyzmetkerleriniń qyzmettik mindetterin oryndaýy kezinde jeke qarap qarap-tekserý men onyń ózindegi paıdalanatyn qyzmettik avtokóligindegi zattardy tekserý úshin ákimshilik ustaýdan ımmýnıtetin bekitetin normalar alyp tastaldy. Budan basqa mundaı organdar qyzmetkerleriniń Qarýly Kúshterge, basqada áskerı qurylymdarǵa aýysqan kezinde mindetti túrde qaıta attestattaýdy talap etetin tártipti bekitý usynyldy.
Parlament qabyldaǵan zań Memleket basshysynyń qol qoıýyna jiberiledi.
