Parlament aldynda asa jaýapty mindetter tur -Q. Toqaev
ASTANA. 31 qazan. QazAqparat - Memleket basshysynyń belgilegen mejelerine qol jetkizý maqsatynda Parlament aldynda asa jaýapty mindetter tur. Búgin Parlament Senatynyń jalpy otyrysynda jıynǵa tóraǵalyq etken spıker Qasym-Jomart Toqaev osylaı málimdedi.
Eń aldymen palata spıkeri Elbasynyń Senat Tóraǵasy laýazymyna taǵaıyndaý týraly usynysyna qoldaý bildirgenderi úshin áriptesterine alǵysyn aıtty. «Barshańyzdy elimizge tanymal qoǵam qaıratkeri, tájirıbeli kásibı maman retinde jaqsy bilemin. Memleket basshysynyń ıgi bastamalaryn júzege asyrýda zor eńbek sińirip júrgen sizdermen birlesip Qazaqstan damýy jolynda aıanbaı qyzmet etý barshamyzdyń ortaq paryzymyz», - dedi Q. Toqaev.
Budan bólek, palata Tóraǵasy Elbasy belgilegen bıik mejelerge qol jetkizýge baǵyttalǵan keń aýqymdy kúrdeli sharalardy zańdyq turǵydan qamtamasyz etýde Parlament aldynda asa jaýapty mindetter turǵanyna nazar aýdardy. «Qazirgi kezde palata qaraýyna kelip túsken salyq jáne bıýdjet qatynastaryn jetildirýge arnalǵan zań jobalaryn, úshjyldyq respýblıkalyq bıýdjet jobasyn muqııat talqylap, merziminen keshiktirmeı qabyldaýdyń mańyzy aıryqsha. Aldymyzda turǵan mindetterdi oryndaýda Senat depýtattary naqty istermen kásibı sheberliktiń aıqyn úlgisin kórsetedi dep senemin», - dedi Q. Toqaev.
