Prezıdent júktegen tapsyrmalardy iske asyrý úshin sapaly zańdar qabyldaý mindeti tur – Máýlen Áshimbaev
ASTANA. KAZINFORM – QR Prezıdenti janyndaǵy Qazaqstannyń strategııalyq zertteýler ınstıtýty «Prezıdenttiń Qazaqstan halqyna Joldaýyn júzege asyrýdaǵy Parlamenttiń róli» taqyrybynda «KISI GPS: Gylym. Pikir. Sayasat» Ulttyq saraptama alańynyń otyrysyn ótkizdi.
Otyrysqa QR Parlamenti Senatynyń Tóraǵasy Máýlen Áshimbaev qatysyp, Memleket basshysy óz Joldaýynda aıtqandaı, Úkimetke, Parlamentke jáne memlekettik organdarǵa júktegen mindetterdi júzege asyrý úshin barlyq memlekettik jáne qoǵamdyq ınstıtýttardyń birlesken kúsh-jigeri qajet etetinin atap ótti.
«El Prezıdenti Úkimetke bıýdjet shyǵystaryn utymdy etý boıynsha pármendi sharalar qabyldaýdy jáne olardyń tıimdiligine baqylaýdy kúsheıtýdi tapsyrdy. Sonymen qatar, Ulttyq qordy basqarý tıimdiligin arttyrý jáne bıýdjetaralyq qatynastardy ońtaılandyrý mindeti qoıyldy, bul da jergilikti jerlerde qarajatty tıimsiz paıdalanýdy boldyrmaý úshin jetildirýdi talap etedi. Bul rette salyq saıasaty joǵary sapaly ekonomıkalyq ósýdi yntalandyratyn quralǵa aınalýy tıis», – dedi Máýlen Áshimbaev.
Máýlen Áshimbaev Parlamenttiń rólin jáne táýelsiz sarapshylarmen jáne ǵylymı ınstıtýttarmen belsendi yntymaqtastyqta júrgizip jatqan Senattyń ǵylymı-saraptamalyq áleýetti nyǵaıtý tájirıbesin erekshe atap ótti. Mundaı ustanym tıimdi jáne ózekti zańnamalyq bastamalardy damytýǵa yqpal etedi.
«Senat zań shyǵarý qyzmetiniń sapasyn arttyrý úshin ǵylymı-saraptamalyq qaýymdastyqpen belsendi jumys istep keledi. Biz sarapshylardyń tıimdi jáne ózekti zańnamalyq bastamalar ázirleýge yqpal etetin usynystary men ıdeıalaryn árdaıym eskerýge tyrysamyz. Qazir Parlamenttiń aldynda Memleket basshysy júktegen tapsyrmalardy iske asyrýǵa arnalǵan sapaly zańdar qabyldaý mindeti tur. Bul iste Sarapshylar klýby jáne basqa da alańdar aıasynda sarapshylarmen jumys jandana túsedi. Osy rette búgingi talqylaý da Parlamenttiń zań shyǵarý qyzmetiniń sapasyn arttyrýǵa yqpal etedi dep senemin. Biz zańnamalyq jumysty saraptamalyq turǵydan qamtamasyz etýdi kózdeıtin usynystarǵa qashanda ashyqpyz. Sondyqtan sarapshylardy Senattyń saraptama jáne dıalog alańdarynyń jumysyna belsendi qatysýǵa shaqyramyz», - dedi M. Áshimbaev.
QR Prezıdenti janyndaǵy QSZI dırektory Erkin Tuqymov óz sózinde Joldaýdyń birneshe blogy boıynsha óz pikirin bildirdi. Atap aıtqanda, kıberqaýipsizdik jáne onlaın-alaıaqtyq máselesi, tsıfrlandyrý, adam quqyqtary men jeke derekterdiń qaýipsizdigine kepildik berý arasyndaǵy teńgerimdi saqtaýǵa toqtaldy.
«Memleket basshysynyń mektepter men joǵary oqý oryndarynda qazaqstandyqtardyń túrli alaıaqtyq shemalarǵa qarsy ımmýnıtetin nyǵaıtýǵa baǵyttalǵan qarjylyq saýattylyq jáne tsıfrlyq gıgıena negizderi boıynsha bilim berý baǵdarlamalaryn engizý týraly tapsyrmasyn erekshe atap ótkim keledi. Bıyl QSZI Óńirlermen jumys jónindegi bólim qurdy, Instıtýttyń óńirlerdegi ókildikteri ashylýda. Bir aıta keterligi, aımaqtardaǵy kún tártibi keıde jalpyulttyq kún tártibinen ózgeshe. Bizdiń mindetimiz – óńirlerdiń áleýmettik-ekonomıkalyq damýyna monıtorıng júrgizý jáne bul rette jalpyulttyq platformany qalyptastyrý. QZSI janynan qurylǵan Óńirlik sarapshylar keńesin erekshe atap ótkim keledi, onyń quramyna memlekettik saıasatty jetildirý jáne jergilikti memlekettik basqarý men ózin-ózi basqarýdy damytý jóninde usynymdar ázirleý úshin óńirlerdi zertteýdiń keshendi baǵdarlamasyn iske asyratyn sarapshylar men taldaýshylar kiredi» - dedi Erkin Tuqymov.
Іs-sharaǵa qatysýshylar Prezıdenttiń strategııalyq bastamalaryn iske asyrýda Parlamenttiń rólin kúsheıtýdiń, zań shyǵarý protsesiniń ashyqtyǵy men jarııalylyǵyn arttyrý úshin zamanaýı tehnologııalardy engizýdiń, sondaı-aq zańnamalyq bastamalardy ázirleý jáne talqylaýǵa azamattyq qoǵam men sarapshylar qaýymdastyǵyn tartýdyń mańyzdylyǵyn atap ótti.
