Parlament Adam quqyqtary jónindegi ýákil týraly qujatty qabyldady

NUR-SULTAN. QazAqparat – Búgin Májilistiń jalpy otyrysynda palata depýtattary «Qazaqstan Respýblıkasyndaǵy Adam quqyqtary jónindegi ýákil týraly» zań jobasyna Senat engizgen ózgeristermen kelisti, dep habarlaıdy QazAqparat tilshisi.

«Májilistiń Zańnama jáne sot-quqyqtyq reforma komıteti «Qazaqstan Respýblıkasyndaǵy Adam quqyqtary jónindegi ýákil týraly» zań jobasyna Parlament Senatynyń engizgen ózgeristerin qarastyra otyryp, bul ózgerister zań jobasynyń normalaryn naqtylaýǵa baǵyttalǵanyn jáne onyń tujyrymdamasyn ózgertpeıtinin atap ótedi», - dedi Májilis depýtaty Dmıtrıı Koloda.

Túzetýler Adam quqyqtary jónindegi ýákil qyzmeti kepildigine jáne baıandamalar daıarlaý máselelerine baılanysty.

«Komıetet (Májilistiń Zańnama jáne sot-quqyqtyq reforma komıteti) engizilgen túzetýlermen kelisýdi usynady», - dedi D. Koloda.

Qujatty qaraý kezinde palata depýtattary bul usynysqa qoldaý bildirdi.

Eske sala keteıik, osy aptanyń basynda QR Parlamenti Senaty «Qazaqstan Respýblıkasyndaǵy Adam quqyqtary jónindegi ýákil týraly» zań jobasyna túzetýler engizip, Májiliske qaıtardy.