Parlament 7 mamyrdy memlekettik mereke etip bekitti
ASTANA. 4 qazan. QazAqparat - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasyndaǵy merekeler týraly» zańyna tolyqtyrý engizý týraly» zańyn qabyldady.
Qujat 7 mamyr Otan qorǵaýshylar kúnin memlekettik mereke retinde belgileýdi qarastyrady.
Atalǵan qujat QR Prezıdenti, QR Qarýly Kúshteriniń Joǵarǵy Bas Qolbasshysy N. Nazarbaevtyń tapsyrmasyna sáıkes ázirlengen.
«7 mamyr - táýelsiz Qazaqstannyń Qarýly Kúshteriniń týǵan kúni. Bul kúndi merekeleý jas memleketimizdiń aıbyndy sarbazdary arasynda dástúrge de aınalyp keledi. Soǵan oraı 7 mamyrdy Otan qorǵaýshy kúni - Qazaqstan Respýblıkasynyń memlekettik merekesi etip zań júzinde belgileý kózdeledi», - deıdi Qorǵanys mınıstriniń orynbasary Sergeı Gromov.
Onyń aıtýynsha, qabyldanǵan zańnyń maqsaty eldiń óskeleń urpaǵyn adamgershilik turǵysynan tárbıeleýge jaǵdaılar jasaý jáne qazaqstandyqtardyń ár býyndaǵy urpaqtary arasyndaǵy sabaqtastyqty nyǵaıtý bolyp tabylady. Budan bólek, qujat QR Qarýly Kúshteriniń el ishinde de, odan tysqary jerde de bedeli men abyroıyn arttyrýǵa, sondaı-aq Otan qorǵaýshynyń mártebesin kóterýge septigin tıgizbek.
Parlament qabyldaǵan zań Memleket basshysynyń qol qoıýyna jiberiledi.
