Parlament 2016 jylǵy bıýdjettiń atqarylýy týraly Úkimettiń esebin qoldady
«Búgin 2016 jylǵy respýblıkalyq bıýdjettiń atqarylýy týraly Úkimettiń esebin qoldap, daýys bergenderińiz úshin rahmet aıtqym keledi. Sizderdiń suraqtaryńyz ben aıtylǵan usynystaryńyz ekonomıkanyń barlyq salasyn qamtıdy. Qatty da aıttyńyzdar. Suraqtaryńyzdyń barlyǵy da oryndy. Olardyń barlyǵyn biz Úkimette muqııat qarap, aldaǵy ýaqyttaǵy jumysymyzda eskeremiz dep sendirgim keledi», - dedi QR Úkimet basshysy Baqytjan Saǵyntaev birlesken otyrys barysynda.
Sonymen qatar ol QR Prezıdenti Nursultan Nazarbaev Astana ekonomıkalyq forýmynyń qorytyndy otyrysynda el Úkimetine birqatar tapsyrma bergenin, onyń ishinde bıyl ekonomıka ósimin 4 protsent deńgeıinde qamtamasyz etý de bar ekenin aıtty.
«Bul salada kóptegen jumys atqarýymyz qajet. Onyń barlyǵy ózderińizdiń qoldaýlaryńyzben ǵana júzege asyrylady dep oılaımyn», - dedi Premer-Mınıstr.