Parlament 2013 jyldyń kóktemine deıin «Ardagerler týraly» jańa zań jobasyn bekitedi - Májilis depýtaty Qaıyrbek Súleımenov
ALMATY. 16 tamyz. QazAqparat - 7 jyldyq úzilisten keıin «Ardagerler týraly» QR Zań jobasy Úkimet qaraýyna qaıta oraldy.
Ony QR Parlament Májilisiniń depýtaty, QR Ardagerler keńesiniń tóraǵasy Qaıyrbek Súleımenov búgin Almatyda qalalyq ardagerler keńesiniń múshelerimen bolǵan kezdesý kezinde aıtty.
«Ardagerler týraly» QR Zań jobasy Májilis depýtattarynyń bastamasymen 2005 jyly usynylǵan bolatyn. Qazir ony sol kúıinde qabyldaýǵa bolmaıdy. Parlamentte jatqan 7 jylda zań jobasy fýtbol dobynyń kúıin keshti. Prezıdent naqty usynys kútti. Úkimet te, Parlament te ony óz moınyna almady. Múddeli taraptardyń basyn qosyp biz jobany qazir Úkimetke qaıtardyq», - dedi Q.Súleımenov. Onyń aıtýynsha, eger jańa redaktsııa maquldanbasa, kúzde depýtattar ony Parlamentke qaıta usynýy múmkin. Eger bári jospar boıynsha júzege assa, zań jobasy 2013 jyldyń kóktemine deıin Parlamentte bekitiletin bolady.
