Parkıngter satý turǵyn úı qurylysyna úlestik qatysýdyń quqyqtyq alańynan tys júzege asyrylýy tıis

ASTANA. QazAqparat - Parkıngter satý turǵyn úı qurylysyna úlestik qatysýdyń quqyqtyq alańynan tys júzege asyrylýy tıis. Búgin Parlament Senatynyń jalpy otyrysynda «Turǵyn úı qurylysyna úlestik qatysý týraly» zań jobasyn talqylaý barysynda depýtattar saýalyna Ulttyq ekonomıka vıtse-mınıstri Marat Qusaıynov osylaı jaýap berdi.

«Parkıng máselesi buryn da kóterilgen. Ondaǵy másele mynaǵan saıady: qoldanystaǵy zańǵa sáıkes, úlestik qatysý tek turǵyn úılerge ǵana qatysty. ıAǵnı, onda negizinen turǵyn jaılar qamtylyp otyr. Al parkıng pen kólik turaǵynyń oryndaryna kelsek, onyń derbes aýmaqta shartty shekarasy bar. Sondyqtan da, parkıngti «turǵyn úıdegi nemese turǵyn úı ǵımaratyndaǵy úles» sanatyna jatqyzýǵa bolmaıdy», - dep túsindirdi vıtse-mınıstr.

Onyń aıtýyna qaraǵanda, parkıngter satý turǵyn úı qurylysyna úlestik qatysýdyń quqyqtyq alańynan tys sheshimin tabýy kerek. «ıAǵnı, bul jeke kelisimsharttarmen, qurylys salýshy men jeke tulǵa arasyndaǵy jalpy negizdemeler aıasyndaǵy kelisimsharttar boıynsha jasalýy kerek», - dedi ol.