Parıjdiń ortalyǵynda atys boldy, qurban bolǵandar bar
ASTANA. QazAqparat - Frantsııa prezıdenti men premer-mınıstri Parıjde bolǵan atys boıynsha jedel májilis ótkizýde, dep habarlaıdy TASS.
Frantsııanyń premer-mınıstri Bernar Kaznev Parıjdiń ortalyǵyndaǵy Elıseı alańynda polıtsııa qyzmetkeriniń óltirilýine baılanysty respýblıka prezıdenti Fransýa Ollanmen keńesý úshin jedel túrde Elıseı saraıyna keldi. Bul týraly beısenbi kúni úkimettegi derekkózderge silteme jasap AFP habarlaǵan.
Frantsııa astanasynyń ortalyǵynda bolǵan oqıǵa jergilikti ýaqyt boıynsha saǵat 21-00-de bastalǵan. Belgisiz bireýlermen bolǵan atys barysynda bir polıtsııa qyzmetkeri mert bolǵan, taǵy ekeýi jaraqat aldy, olardyń biriniń jaǵdaı qazir óte múshkil.
Qolda bar málimetterge qaraǵanda, oq atqan adam oqıǵa ornynda óltirilgen, alaıda polıtsııa qyzmetkerleri onyń sybaılasy bolýy múmkindigin de joqqa shyǵarmaı otyr. Ol oqıǵa bolǵan jerdegi kólik turaqtarynyń birinde boı tasalap júrýi múmkin.
Elıseı alańy - respýblıka prezıdentiniń jumys rezıdentsııasy - Elıseı saraıyna jaqyn mańda, qalanyń batys bóliginde ornalasqan, Parıjdiń iri dańǵyldarynyń biri.
Qazirgi tańda avenıý tolyǵymen qorshaǵa alynǵan. Dúkender men meıramhanalardyń barlyǵy jabyldy. Metro stantsııalary baqylaýǵa alyndy.
