Parıjdegi jarylys: Úıindiler arasynan taǵy bir adamnyń denesi tabyldy
BRıÝSSELЬ. QazAqparat - Parıjde bir týálikke jalǵasqan izdestirý-qutqarý jumystarynyń nátıjesinde jarystan qaza bolǵan tórtinshi adamnyń denesi tabyldy. Bul týraly «QazAqparat» HAA-nyń menshikti tilshisi habarlady.
Gazdyń jarylýynan qıraǵan naýbaıhana úıindileriniń astynan búgin áıel adamnyń máıiti tabyldy. Ol bir qabat joǵaryda turǵan degen boljam bar.
Buǵan deıin eki órt sóndirýshi men Ispanııa eliniń azamatshasy mert bolǵany habarlanǵan edi. Taǵy 50 adam zardap shekti, onyń onynyń jaraqattary aýyr.
Eske salaıyq, senbi, 12 qańtar kúni Parıjdiń 9-ynshy okrýginde birinshi qabatta ornalasqan naýbaıhanada jarylys boldy. Jarylys tolqynymen jaqyn mańdaǵy úılerdiń terezeleri synyp, kólikter zaqymdandy.
Polıtsııa qyzmeti qaıǵyly oqıǵanyń barlyq nusqalaryn qarastyrýda.
Qaza bolǵandar men zardap shekkender arasynda Qazaqstan azamattary joq.
Avtory Tımýr Dúısekeev
