Parıjdegi jarylys: 4 adam qaza taýyp, 30-y jaraqattanǵan
ASTANA. QazAqparat - Parıj qalasynyń ortalyǵynda gazdyń jarylýynan tórt adam qaza tapty. Bul týraly búgin, 12 qańtarda Frantsııa ІІM basshysy Krıstof Kastaner málimdedi, dep habarlady The Independent.
Krıstof Kastanerdiń aıtýynsha, kóz jumǵandardyń ekeýi - órt sóndirý qyzmetiniń jumysshylary. Qutqarýshylardyń deregine qaraǵanda, oqys oqıǵa saldarynan 30 adam jaraqat alǵan, olardyń 12-si aýyr jaǵdaıda.
Jergilikti polıtsııanyń málimetinshe, keleńsiz jaǵdaı senbi kúni tańerteń qalanyń toǵyzynshy aýdanyndaǵy Trevız kóshesinde bolǵan.
Oqıǵa saldarynan ǵımarattar men kólikter zaqymdanǵan.
