Parıjdegi sherý sońy jappaı tártipsizdikke ulasty
ASTANA. QazAqparat - Parıjde polıtsııaǵa qarsy uıymdastyrylǵan qarsylyq sherýiniń sońy jappaı tártipsizdikke ulasty, dep jazady «Habar 24».
Quqyq qorǵaýshylarmen aradaǵy bolǵan janjalǵa 500-ge jýyq adam qatysqan dep jazady «Assoshıeıted Press» basylymy.
Qarsylyq bildirýshiler polıtseılerdi taspen, qumyramen atqylaǵan. Al, tártip saqshylary kózden jas aǵyzatyn gaz qoldanǵan. Abyroı bolǵanda, eshkim zardap shekken joq. Tek jaǵdaıǵa qaraı metro stansasynyń biri ýaqytsha jabyldy.
Buǵan deıingi bolǵan qarsylyq sharalary da dál osylaı polıtsııamen qaqtyǵysqa ákelip soqqan. Bir aptanyń ishinde tártip buzǵan 100 adam ustaldy.
Esterińizge sala keteıik, mundaı beı-bereketsizdiktiń oryn alýyna aqpan aıynyń basynda polıtseılerdiń ustalǵan jas jigitti ábden uryp-soqqandyǵy sebep bolǵan edi. Dárigerler oǵan operatsııa jasaǵanymen, ómirin saqtap qala almady. Bolǵan oqıǵa beınekameraǵa túsip qalǵan. Tártip saqshylarynyń birine zorlaý, qalǵan úsheýine jigitti qatygezdikpen uryp-soqty dep kiná taǵylyp otyr.
