Parıjdegi saılaý ýchaskesinde joǵary azamattyq belsendilik baıqaldy
IJ-BRıÝSSELЬ. 4 sáýir. QazAqparat /Dımash Syzdyqov/ - Parıjdegi QR Elshiligindegi saılaý ýchaskesinde Qazaqstan Respýblıkasy Prezıdentiniń kezekten tys saılaýy sol kúni frantsýz astanasyndaǵy qolaısyz aýa raıyna qaramastan óte belsendi ótti.
Saılaýshylardyń kelýi 77 paıyzdy qurady. Bul týraly QR Frantsııadaǵy Elshiliginiń baspasóz qyzmeti habarlap otyr.
Parıjdegi ýchaskelik saılaý komıssııasynyń daýystardy esepteý nátıjesi prezıdenttik básekeniń sózsiz kóshbasshysy Memleket basshysy Nursultan Nazarbaev bolǵanyn kórsetti, oǵan óz daýystaryn saılaýshylardyń 85 paıyzǵa jýyǵy berdi. Tanymaldyǵy jaǵynan ekinshi oryndy «Qazaqstan Patrıottar partııasynyń» ókili Ǵanı Qasymov (5,7 paıyz) ıelendi. «Tabıǵat» ekologııalyq odaǵynyń basshysy Mels Eleýsizov Parıjde daýys bergen qazaqstandyqtardyń 5 paıyz daýysyn ıelendi. Tizimdi 1,4 paıyzdyq kórsetkishpen Jambyl Ahmetbekov qorytyndylady. Saılaý komıssııasy tórt bıýlletendi jaramsyz dep tanydy.
Taratylǵan aqparatqa sáıkes, daýys berý aıaqtalǵan ýaqytta 139 saılaýshy tirkeldi, onyń ishinde Frantsııanyń Nant, Lıon, Rosnı-sý-býa, Eperneı, Shýazı-le-rýa, Býdonvıl, Shatııon, Vıshı, Fontenblo jáne ózge de qalalarynda oqyp júrgen jáne jumys isteıtin otandastarymyz bar. Sondaı-aq, óziniń azamattyq boryshyn óteýge saılaý ýchaskesine Parıjge týrıst retinde kelgen jáne osynda qysqa merzimdi issaparmen júrgen qazaqstandyqtar da kelgen.
