Parıjdegi satıralyq jýrnaldyń keńsesinde 11 adamdy atyp ketti
ASTANA. QazAqparat - Parıjdegi Charlie Hebdo satıralyq jýrnalynyń keńsesinde atys bolyp, saldarynan kem degende 11 adam qaza tapty, dep jazady RIA Novostı.
Aldyn ala taratylǵan málimet boıynsha, betperde kıgen belgisiz bireýler keńsege kelip avtomattan oq jaýdyrǵan. Gazettiń birneshe qyzmetkeri keńseniń shatyryna shyǵap ketip, bas saýǵalaǵan.
«Betperde kıgen eki adam CharlieHebdo keńsesine oq atty. Shatyrda tyǵylyp otyrmyz», - dep basylymnyń qyzmetkeri Martın Býdo tvıtterdegi paraqshasyna jazǵan.
Parıj merııasynan habarlaǵandaı, 6 adam aýyr jaraqat alǵan.
Buǵan deıin Charlie Hebdo basylymy birneshe ret Muhammed paıǵambarǵa qatysty karıkatýra jarııalaǵan bolatyn. Bul musylman qaýymynyń ashýyn týdyrǵan edi.
