Parıjdegi lańkestik áreket saldarynan qaza tapqandar sany 140 adamǵa jetti
ASTANA. QazAqparat - Juma kúni Parıjdiń birneshe okrýginde atys oryn aldy. Sonymen birge Stade de France stadıonynda úsh jarylys boldy, ol jerde Frantsııa men Germanııa arasynda fýtboldan joldastyq kezdesý ótip jatqan.
Matchty kórýge Frantsııa prezıdenti Fransýa Olland kelgen. Prezıdentti qaýipsizdik qyzmetiniń adamdary shuǵyl jaǵdaıda qaýipsiz jerge shyǵardy.
Frantsýzdyq BAQ Bataklan teatrynda keminde 100 adam kepildikke alynǵanyn habarlady. Ol jerde amerıkalyq rok-top Eagles of Death Metal óner kórsetip jatqan. Úsh lańkestiń kózi joıyldy.
Parıj merııasy lańkestik áreket saldarynan jalpy sany 140 adam qazaǵa ushyrady degen aqparatty rastady, dep jazady TASS .
