Parıjdegi lańkestik aktilerdi uıymdastyrýshy ustaldy
BRıÝSSELЬ. QazAqparat - 13 qarashada Parıjde bolǵan lańkestik aktilerdi uıymdastyrýshy Salah Abdeslam Brıýsselde ustaldy. Bul týraly Belgııa federaldyq prokýratýrasynyń juma kúni taratylǵan málimdemesinde aıtylǵan.
«13 qarashada Parıjdegi lańkestik aktilerge qatysýǵa kúdikti Salah Abdeslam búgin Brıýsselde ustaldy», - dep habarlady proekýratýradan.
Budan buryn jergiikti BAQ brıýsseldik «Molenbek» kommýnasynda arnaıy operatsııa barysynda Abdeslam ustalǵanyn habarlaǵan bolatyn. Ustaý kezinde ol aıaǵynan jaralanyp, jedel járdem mashınasymen aýrýhanaǵa jetkizilgen.
Eske sala keteıik, belgııalyq jáne frantsýzdyq quqyq qorǵaý organdary Frantsııa astanasynda 2015 jylǵy 13 qarashada shabýyldar serııasy jasalǵannan keıin Parıjdegi lańkestik aktilerindegi basty kúdikti Salah Abdeslamdy izdestirýde bolatyn. Tergeý 130 adam qaza bolyp, ondaǵan adam jaraqattanǵan parıjdyq lańkestik aktilerdi naq osy Abdeslam uıymdastyrdy dep kúdiktenýde.
