Parıjdegi Dısneılend násilshildikke jol bergeni úshin sotqa shaqyrtyldy
ASTANA. QazAqparat - Parıj qalasyndaǵy Dısneılendke ıelik etetin Euro Disney kompanııasy jumysshylardy qyzmetke qabyldaýda násilshildikke jol bergeni úshin sot aldynda jaýap berdi, dep habarlady VVS agenttigi.
Sotqa Násilshildikke qarsy turý qaýymdastyǵy shaǵym túsirgen. Aryzynda qaýymdastyq atalǵan kompanııa osydan 10 jyl buryn Parıjdegi Dısneılendke jumysshylardy qabyldaǵanda adamdardan Eýropa elderiniń biriniń azamattyǵy bolýyn talap etken.
Dısneılend ókili sol kezde ondaı jarnama bolǵanyn moıyndady, biraq onyń aıtýynsha, jarnama mátini ǵana durys jazylmaǵan, sebebi is júzinde adamdardy jumysqa qabyldaýda kompanııa tarapynan eshqandaı alalaýshylyq bolmaǵan.
Eger, «Euro Disney» ózine taǵylǵan aıypty moıyndaıtyn bolsa, 225 myń evro kóleminde aıyp tóleýge mindetti bolady.
