Parıjdegi bedeldi «Gavo» kontsert zalynda bizdiń elimizdiń óner sheberleri úlken jetistikpen óner kórsetti

Kórermenderge lyq tolǵan zal Qurmanǵazy atyndaǵy Qazaq memlekettik akademııalyq halyq aspaptar orkestiriniń , Astana qalasy opera jáne balet teatry kameralyq orkestiriniń ónerine qol soqty.

Qazaqstan jáne KSRO-nyń halyq ártisi Álibek Dinishev, dırıjer Aıdar Abjahanov, QR eńbek sińirgen qaıratkeri Talǵat Musabaev, dırıjer - QR eńbek sińirgen qaıratkeri Jalǵasbek Begendikov, halyqaralyq baıqaýlardyń laýreaty Medet Shotabaev, QR eńbeń sińirgen qaıratkeri Temirjan Erjanov, halyqaralyq baıqaýlardyń laýreattary Nurııa Kárimbaeva, Bıbigúl Saýytova, Erjan Kúlibaev, Saltanat Ahmetova, Baýyrjan Ánderjanov, Bıbigúl Januzaq syndy Qazaqstannyń basqa da óner juldyzdary Parıjdiń óner súıer qaýymyn óz shyǵarmashylyqtarymen tánti etti.

Qazaqstannyń óner sheberleriniń delegatsııasyn QR mádenıet vıtse-mınıstri Asqar Bóribaev bastap baryp, Frantsııa mádenıet jáne kommýnıkatsııa mınıstrliginiń basshylyǵymen eki el arasyndaǵy yntymaqtastyqty bolashaqta damytý máseleleri týraly kelissózder ótkizdi.