Parıjdegi atys pen jarylystar saldarynan keminde 40 adam qazaǵa ushyrady
ASTANA. QazAqparat - Juma kúni Parıjdegi atys pen jarylystar saldarynan keminde 40 adam qazaǵa ushyraldy. Bul týraly Parıj polıtsııasynyń prefektýrasy habarlady.
Frantsııa prezıdenti Fransýa Olland syrtqy ister mınıstri Bernar Kazevpen Parıjdegi atys pen jarylystarǵa baılanysty keńes ótkizýde. Kezdesýge premer-mınıstr Manıýel Vals, ІІM basshysy Bernar Kaznev jáne birqatar basty mınıstrler qatysýda.
Jarylystar juma kúni Parıjde Frantsııa men Germanııa quramalary arasynda joldastyq fýtbol matchy ótip jatqan Stade de France stadıonynyń mańynda boldy. Bul týraly BFM TV telearnasy habarlady. Onyń málimetterine qaraǵanda, matchty Frantsııa prezıdenti Fransýa Olland tamashalaǵan.
Budan buryn telearna Parıjdiń soltústiginde «Kishi Kambodja» meıramhanasynda atys bolǵanyn habarlady. Onyń málimetterine qaraǵanda, avtomattan bir nemese birneshe adam oq jaýdyrǵan. Oq atqandardy ustaýdyń sáti túspedi.
Tótenshe oqıǵa oryn alǵan jer osy jylǵy qańtar aıynda lańkester satıralyq Charlie Hebdo aptalyǵynyń jýrnalısterin atqan ǵımarattyń mańynda bolǵan.
Meıramhanaǵa polıtsııa qyzmetkerleri men jedel járdem keldi, dep habarlady TASS.
BFM TV málimetteri boıynsha, atys Parıjdegi Bataklan úlken kontsert zaly ornalasqan jerdiń mańynda bolǵan, bul kezde onda úlken rok-kontsert ótip jatqan edi. Frantsýzdyq BAQ málimetterinshe, zalda adamdar kepilge alynǵan.
