Parıjdegi ataqty «óner» kópiri mahabbat qulyptaryn kótere almaı qulady
ALMATY. QazAqparat - Kópir jaǵalaýyndaǵy temir konstrýktsııa týrıster ilgen «mahabbat qulyptaryn» kótere almaı qulady, dep habarlaıdy Daily Mail.
Abyroı bolǵanda, temir jaqtaý ózenge emes, ishke qaraı qulaǵan. Sonyń arqasynda serýendep júrgen týrısterdiń eshqaısysy zardap shekken joq.
«Eger, ózenge qulasa, qaıyqtaǵy demalýshylar zardap shegetin edi», - dedi jergilikti polıtsııa qyzmetkeri.
Parıjdegi «óner» kópiri týrıster arasynda óte tanymal kórnekti oryn bolyp tabylady. Kúnine júzdegen ǵashyqtar seziminiń sımvoly retinde kópir jaqtaýyna qulyp salyp, kiltin ózenge laqtyrady.
Atalǵan nysan 1804 jyly salynǵan. Eki dúnıejúzilik soǵysty basynan keshirgen kóne kópir 1980 jyly qaıta jóndeýden ótken.
Qazir ilingen qulyptardyń aýyrlyǵy mádenı nysannyń kelbetine nuqsan keltirýde.
Osy oqıǵadan keıin qoǵamda Eýropanyń ózge de qalalaryndaǵy eskertkish nysandaryn qurtatyn nárselerge tyıym salý týraly másele kóterildi.
Parıj meri Anna Idalgo mundaı vandalızm taǵy bir qaıtalansa, shuǵyl sharalar qoldanylatynyn aıtty.
