Parıjdegi ıÝNESKO shtab-páterinde Nurǵısa Tilendıevtiń 100 jyldyǵyna arnalǵan kontsert ótedi

ASTANA. KAZINFORM – Bıyl 24 qyrkúıek kúni Parıj qalasyndaǵy ıÝNESKO shtab-páterinde qazaqtyń áıgili kúıshi, kompozıtory, dırıjer Nurǵısa Tilendıevtiń 100 jyldyǵyna arnalǵan «Ǵasyr áýenderi: Tilendıevke taǵzym» atty merekelik kontsert ótedi.

2023 jyldyń qarasha aıynda ıÝNESKO-nyń Bas konferentsııasy bul datany 2024 - 2025 jyldary uıymnyń qatysýymen atalyp ótetin mereıtoılar tizimine resmı túrde engizdi. Bul sheshim onyń óz halqyna ǵana emes, búkil adamzat mádenıetine qosqan zor úlesin aıqyndaıdy.

Mádenıet jáne aqparat mınıstrligi málimetinshe, aldaǵy is-sharanyń basty maqsaty – halyqaralyq eń bedeldi sahnalardyń birinde qazaq halqynyń mýzykalyq murasynyń baı ekenin jetkizý.

Nurǵısa Tilendıev osy murany saqtap, kópshilikke nasıhattaǵan jandardyń biri boldy. Ol óz shyǵarmashylyǵy men negizin qalaǵan «Otyrar sazy» folklorly-etnografııalyq halyq aspaptar orkestri arqyly qazaq mýzykasyna jańa týyndylar men jańa janrlar ákeldi. Onyń shyǵarmashylyǵy Ortalyq Azııanyń kóshpeli órkenıetteriniń baı dástúrine súıenip, eýropalyq klassıkalyq mýzykanyń úzdik úlgilerinen de nár aldy. Kompozıtor burynǵy KSRO, Eýropa men Azııanyń kóptegen elderinde óner kórsetti.

Kontsert baǵdarlamasynda kompozıtordyń áıgili týyndylaryn «Otyrar sazy» orkestri oryndaıdy. Ujymnyń kórkemdik jetekshisi ári dırıjeri –Dinzýhra Nurǵısaqyzy Tilendıeva.

Sonymen qatar ıÝNESKO sahnasynda Qazaqstannyń belgili ártisteri óner kórsetedi.

Aıta keteıik, Qyrǵyzstanda Nurǵısa Tilendıevtiń 100 jyldyǵyna arnalǵan kontsert ótti.

Máskeýdegi «Gelıkon-opera» mýzykalyq teatrynda uly qazaq kompozıtory Nurǵısa Tilendıevtiń 100 jyldyǵyna arnalǵan «Álqıssa» atty shyǵarmashylyq kesh ótti.

ıÝNESKO shtab-páterinde Nurǵısa Tilendıevke arnalǵan kórme ashyldy.

Beıjińde Nurǵısa Tilendıevtiń mereıtoıyna arnalǵan mádenı kesh ótti.

Nurǵısa Tilendıevke 100 jyl: barlyq óńirde 100-ge jýyq is-shara ótedi.