Parıjdegi Pon-Nef kópiri alyp úńgirge aınalady
ASTANA. KAZINFORM – Parıjdegi áıgili Pon-Nef kópiri mańynda frantsýz sýretshisi JR ázirlegen aýqymdy ınstallıatsııa ornatylyp jatyr, dep habarlaıdy DW.
Uzyndyǵy 120 metr, bıiktigi 18 metr bolatyn ınstallıatsııany montajdaý jumystary 6 maýsymǵa deıin tolyq aıaqtalady. Kórme 28 maýsymǵa deıin kelýshilerge ashyq bolady.
Osy ýaqyt aralyǵynda kópir ımmersıvti oqshaýlanǵan tonnelge aınalady. Joba aıasynda kún sáýlesi múlde túspeıtin keńistik dybystyq effektilermen jáne tolyqtyrylǵan shynaıylyq tehnologııasymen úılestiriledi.
Installıatsııanyń mýzykalyq súıemeldeýin Tomas Bangalter jasaǵan.
JR-diń bul jumysy performans-sýretshiler Hrısto men Janna-Klod jubyna arnalǵan omaj sanalady.
Olar 1985 jyly Pon-Nef kópirin 41 800 sharshy metr qum tústes altyn matamen qaptaǵan bolatyn.
Al 10 jyldan keıin dál osy sýretshiler Reıhstag ǵımaraty ǵımaratyn da matamen orap, álemge áıgili art-joba júzege asyrǵan edi.
Aıta keteıik, Frantsııa ulttyq jınalysy mádenı qundylyqtardy qalpyna keltirý týraly zań jobasyn qabyldady.
