Parıjde jas qazaq aqyndarynyń poetıkalyq keshi ótti
Qazaqstannyń Frantsııadaǵy Elshiliginde qazaq dıasporasynyń kóptegen ókilderi, sondaı-aq INALCO ınstıtýtynyń stýdentteri men qazaq tilin úırenip jatqan «Qorqyt» mádenı ortalyǵynyń músheleri úshin «Kúzgi kezdesý» atty poetıkalyq keshi ótti, dep habarlaıdy Kazinform.
«Frantsııadaǵy qazaqstandyq kúzi» mádenı maýsymy aıasynda ótken is-shara barysynda Halyqaralyq «Alash» ádebı syılyǵynyń laýreaty Tanakóz Tolqynqyzy, QR Jazýshylar odaǵynyń músheleri Janargúl Qadyrova men Aızada Rahymjanovanyń óleńderi shyrqaldy.
Baǵdarlama aqyn A. Rahymjanova men jýrnalıst jáne jazýshy Dastan Qaztaıdyń jańa kitaptarynyń tusaýkeserimen, sondaı-aq tanymal dástúrli ánshi Mediǵat Manapovtyń ónerimen jalǵasty.
Sonymen qatar, poetıkalyq kesh aıasynda Qazaqstannyń Frantsııadaǵy Elshiliginiń jáne QR Jazýshylar odaǵynyń qoldaýymen 2020 jyly Frantsııada túsirilgen «Kishkentaı hanzada» atty derekti fılminiń kórsetilimi ótti. Rejısser Qarlyǵa Hasenniń bul jobasy Ońtústik Kolýmbııa, Túrkııa, Taıland jáne Dakkadaǵy halyqaralyq kınofestıvalderdiń úzdik fılmderiniń bastapqy tizimine endi.
Qazaqstannyń Frantsııadaǵy Elshisi Gúlsara Arystanqulova óz sózinde shetelde otandastarymyzdyń patrıottyq rýhyn kóteretin, otanmen baılanystaryn nyǵaıtatyn osyndaı is-sharalardy ótkizýdiń mańyzdylyǵyn atap ótti.
Aqyndarmen kezdesý ınteraktıvti oıyndarmen jáne belsendi kórermenderge kitaptar, ulttyq kádesyılar men táttiler túrindegi syılyqtar berýmen aıaqtaldy.
Parıjdegi poezııa keshine qatysqan qazaqstandyq aqyndar, óner adamdary men aqyndar týraly «Eıfel – Mahabbat munarasy» atty jańa derekti fılm túsirýge nıetti.
