Parıjde jarylys saldarynan zardap shekkender sany 37 adamǵa jetti
ASTANA. QazAqparat – Parıj qalasynyń ortalyǵynda bolǵan jarylys saldarynan kem degende 37 adam zardap shekti. Taǵy tórt adam aýyr halde jatyr. Bul týraly QazAqparat Euronews-ke silteme jasap habarlaıdy.
Agenttiktiń habarlaýynsha, úıindiler astynda taǵy eki adam qalýy múmkin.
Oqıǵa Frantsııa astanasynyń besinshi aýdanynda, Lıýksembýrg saıabaǵy men Panteonǵa jaqyn jerde ornalasqan Parıjdegi Amerıka akademııasynyń ǵımaratynda boldy.
Aldyn ala boljam boıynsha, ǵımarat ishinde gaz jarylyp, qasbeti jolǵa qulady. Jaqyn mańdaǵy úılerdiń turǵyndary evakýatsııalandy.
Oqıǵa ornyna eki júzden astam órt sóndirýshi, qutqarý qyzmetteri, sondaı-aq Parıj meri Ann Idalgo keldi.
Prokýratýra jarylys sebebiniń eki nusqasyn tergeý ústinde – «qaýipsizdik erejelerin buzý» jáne «adamdardyń salaqtyǵy». Bul týraly brıfıngte Parıj prokýrory Lor Bekıýo málimdedi.
Osyǵan deıin Parıj ortalyǵynda jarylys bolyp, kem degende 16 adam zardap shekkenin habarlaǵan edik.
