Parıjde úsh kúrd belsendilerin oqqa baılady
ASTANA. 10 qańtar. QazAqparat - Parıjde úsh kúrd belsendilerin oqqa baılady, dep habarlady Bı-Bı-Sı.
Oq jaraqattaryn alǵan áıelderdiń máıitteri Kúrd aqparat ortalyǵynda tabyldy.
Óltirilgen áıelderdiń biri - Sakıne Kansız Kúrd jumys partııasynyń negizin salýshysy boldy. Marqum bolǵan basqa áıel Brıýsellde ornalasqan Kúrdistan ulttyq kongresiniń ókili bolǵan.
Boljam boıynsha áıelder keshe kúndiz óltirilgen. Olardy bastarynan atyp óltirgen. Qylmystyń sebepteri ázirge belgisiz, eshbir qylmystyq top jaýapkershilikti moınyna alǵan joq. Onymen birge kisi óltirý oqıǵasyn tergeý jumystaryna keńsede beınebaqylaý kameralarynyń ornatylmaýy qıyndyq týdyrýda.
Frantsııanyń ishki ister mınıstri Manýel Valls oqıǵa oryn alǵan jerge bardy, ol qylmysty tergeý jumystaryn óziniń jeke baqylaýyna alatynyna ýáde etti.
