Parıjde ulttyq quramanyń jeńisiniń qurmetine alty metro stansasynyń aty ózgertildi
PARIJ. QazAqparat - Parıj qala kóligi avtonomdyq basqarmasy Frantsııa ulttyq quramasynyń Reseıdegi fýtboldan álem chempıonatynda jeńiske jetýiniń qurmetine alty metro stansasynyń ataýyn ýaqytsha ózgertý týraly sheshim qabyldady, dep habarlaıdy TASS.
Stansalardyń ataýy burynǵy attaryn saqtaı otyryp, sózderdi oınatý arqyly ózgertilgen. Osylaısha, Victor Hugo stansasy quramanyń kapıtany jáne qaqpashysy Ýgo Lorıstiń qurmetine Victor Hugo Lloris dep aýystyryldy. Notre-Dame des Champs stansasy komandanyń bas bapkeri Dıde Deshamanyń qurmeti úshin Notre Didier Deschamps ataýyna ıe boldy. Sondaı-aq, Elıseı dalasyndaǵy metro stansalarynyń biri Shamps-Elysees - Clemenceau endi Deschamps Elysees - Clemenceau dep atalatyn bolady.
Komandanyń bas bapkeri men oıynshylary dúısenbi kúni Elıseı dalasymen júrip ótedi, keıin olardy Frantsııa prezıdenti Emmanıýel Makron Elıseı saraıynda qabyldaıdy.
Quramanyń qurmetine Elıseı dalasyndaǵy taǵy bir metro stansasy - Charles de Gaulle - Etoile-dyń aty aýystyrylady. Ol On a 2 Etoiles (Bizde endi ek juldyz bar) dep ózgermek.
Avron stansasynyń ataýy Nous Avron Gagne (Biz jeńdik), al tóńireginde sport kesheni, qarjy mınıstrligi ornalasqan Bercy stansasy Bercy les Bleus («Kókterge» rahmet) degen atqa ıe boldy.
