Parıjde Ýkraınany qoldaýǵa «nıettiler koalıtsııasynyń» sammıti bastaldy
ASTANA. KAZINFORM — Búgin Makron «nıettiler koalıtsııasynyń» múshelerin qabyldady, dep habarlaıdy Kazinform tilshisi.

Beısenbi kúni tańerteń Frantsııa prezıdenti Emmanıýel Makron Ýkraınanyń 30-ǵa jýyq odaqtastarynyń basshylaryn Reseımen bitimgershilik kelisimge qol jetkizilgen jaǵdaıda Kıevke beriletin «qaýipsizdik kepildigi týraly» nıettiler koalıtsııasynyń jańa sammıtine shaqyrdy.
Sársenbi kúni tańerteń Makron Ýkraınaǵa qosymsha 2 mıllıard eýro áskerı kómek kórsetetinin málimdedi.
Іs-sharaǵa Eýropalyq komıssııanyń tóraǵasy Ýrsýla fon der Lıaıen de qatysty.
— Biz Ýkraınanyń jáne jalpy Eýropanyń qaýipsizdigin nyǵaıtýǵa kúsh salyp jatyrmyz. Ýkraınanyń ózin-ózi qorǵaý qabiletin nyǵaıtý bastapqy núkte sanalady. Bizge ortaq jáne uzaq merzimdi jospar kerek, — dedi Ýrsýla fon der Lıaıen.
«Daıyndyq 2030» — Eýropanyń áskerı áleýetin arttyrýdyń negizgi jospary, ol bastapqyda «Eýropany qaıta qarýlandyrý — 2030» degen atpen usynylǵan. Alaıda, Eýropa Odaǵynyń birqatar jetekshisi, sonyń ishinde Italııa ókilderi de ataýdy ózgertýdi jaqtap shyqty. Olardyń pikirinshe, bul ataý tym agressıvti.
Parıj sammıtine Polsha premer-mınıstri Donald Týsk, NATO bas hatshysy Mark Rıýtte, Italııa premer-mınıstri Djordjııa Melonı jáne Túrkııa vıtse-prezıdenti Djevdet Iylmaz da qatysady.
Osyǵan deıin Emmanýel Makron men Vladımır Zelenskıı Parıjde kezdeskenin jazǵan edik.