Parıjde terakti jasamaq bolǵan bir top adam ustaldy
PARIJ. QazAqparat - Lańkestik aktini jasaýǵa ázirlik júrgizdi degen kúdikpen Parıjde tórt adam, sonyń ishinde jasóspirim qyz ustaldy, dep habarlaıdy «QazAqparat» HAA-nyń menshikti tilshisi jergilikti BAQ-qa silteme jasap.
Habarlanǵandaı, bir top adam juma kúni tańerteńgilik ýaqytta eldiń ońtústiginde ornalasqan Monpele qalasynda terrorızmge qarsy bólimshemen tutqyndaldy.
21, 27 jáne 34 jastaǵy úsh er adam jáne 16 jastaǵy qyz ustaldy. Boıjetkenniń Taıaý Shyǵystaǵy qarýly qaqtyǵystar aımaǵyna ketkisi kelip júrgeni polıtsııaǵa belgili bolǵan.
Aldyn ala derek boıynsha, olar «Parıjdiń týrıstik aımaǵynda» jankeshti belbeýin qoldaný arqyly lańkestik aktini daıyndaǵan.
Kúdiktiler jarylǵysh zat ázirleıtin shaǵyn zerthana jasaǵan.
Tintý barysynda 71 gramdyq atseton peroksıdi (TATP) - úı jaǵdaıynda ońaı daıyndalatyn jarylǵysh zat pen onyń quramdaýyshtary tabyldy. Dál osy zatty jankeshti-lańkester 2015 jyldyń qarasha aıynda Parıjde oryn alǵan terakti kezinde qoldanǵan edi.
