Parıjde taǵy bir lańkestik shabýyl uıymdastyrmaq bolǵan 4 sodyr ustaldy
ASTANA. QazAqparat - Frantsııada polıtsııanyń lańkestikke qarsy bóliminiń qyzmetkerleri Parıjde taǵy bir lańkestik shabýyl uıymdastyrmaq bolǵan 4 sodyrdy ustady, dep habarlaıdy osy eldiń buqaralyq aqparat quraldaryna siltememen Bı-bı-sı.
El astanasynda jáne Sen-Sen-Denı departamentinde júrgizilgen reıd barysynda úsh erkek pen bir áıel adam qolǵa tústi.
Arnaıy qyzmet mamandarynda bul adamdardyń lańkestik toptarmen baılanysy bolǵany jaıly derek bolǵan, dep habarlanǵan TF1 jáne BFMTV telearnalarynyń saıttarynda.
Olardy qolǵa túsirý kezinde avtomat qarýdyń paıdalanylmaǵan oqjatary jáne kompıýter quraly tárkilendi.
Esterińizge sala keteıik, 2015 jylǵy 14 qarasha kúni Parıjde birneshe dúrkin jarylys bolyp, azamattarǵa shabýyl jasalǵan bolatyn. Saldarynan 130 adam ajal qushyp, 300-deıi jaralanǵan.
